مـِا هو الحِـَديقة وهـِل أنت حديقـِة أدخِـل وششـَوؤوف .

ما هو .. أو من هو الـ حديقة

هذا المصطلح انتشر بشكل واسع جدا في اوساط الشباب خلال الخمس سنين الماضية

و نادرا ما ترى (شاب) لا يقول عن نفسه إنه (حديقة)

رغم إن لونه ليس بأخضر و لا يوجد على رأسه (حشيش مثلا) ؟

و ليس هذا فحسب و من ثم ظهرت الاشتقاقات لهذا المصطلح بسرعة البرق

فصار هذا حديقة .. و ذلك محدق.. و هؤلاء (محدقين)

وقد صرح احد الحدائق
ان الشباب يستخدمون مصطلح الحديقة في كل جوانب الحياة حتى في التحية و السلام
فاصبح الشباب عندما يقول لصاحبه شكو ماكو
فيجيبه .. والله ياعيني حديقة

والبعض الاخر عندما يلتقي بصديقه
لا يقول له هلووووو صديقي
وانما تحولت الى هلوووو حديقي

واضاف مسؤول حدائقي اخر
ان هنالك دراسات موسعة و مستفيضة عن هذا الامر
حول سبب انتشار مثل هذه المصطلحات
مثل محدق و حديقة

واكد احد كبار اساتذة اللغة العربية الحدائق (بعد اعتزالهم التدريس)
ادخال هذا المصطلح الى القواميس والمعاجم الحديقة عفوا الحديثة
حدّق .. يحدق .. تحديقاً
فهو حديقة

وقد اختلفت الاراء حول ماهي الحديقة
ومن هو الشخص الحديقة
ولم يعرف لحد الان سبب هذه التسمية ومصدرها

حيث لا توجد علاقة واضحة بين الحديقة بمعناها الحديقي ( الحقيقي ) المتعارف

و لكن ..بعد دراسة قام بها مجموعة من الحدايق العباقرة

تم التوصل إلى إن مصطلح (حديقة) .. جاء من (حديقة الأمة) الشهيرة في باب الشرجي

حيث هي مرتع العاطلين عن العمل و القفاصة و السلابة

و كل انواع المهن الطارئة

دراسة أخرى نفذها حديقي

أعلنت إنه بما لا يقطع الشك .. إن مصطلح (حديقة) تم اشتقاقه من الحدائق العامة

حيث إن الحدائق عادة تكون ارض منبسطة و (فارغة) .. و ما بيها كلشي

طبعا.. هاي لاول وهلة تشوفها ما بيها شي .. يعني لو تبحث شوية بالتراب

يجوز تلكي جم سلبوح على جم قوطية على جم كطف سومر

المهم الفكرة ..و هي أنه الحديقة .. يعني كلشي ما ماكو .. مجرد .. حديقة هع

بعد هذا الدرس
سأطرح امامك هذا التساؤل
هل انت حديقة ؟؟

حتى نتعرف على بعضنا البعض و محد يحدق خشمه عل ثاني[. و نعرف كيف يكون (المحدق)

لاحظ هذه الأمثلة
اذا مديت ايدك بجيبك ولكيته فارغ فانت حديقة
اذا ضيعت نص يومك لازم سرة عالبانزين وتدك بيك الشمس فانت حديقة
إذا ظهرك مدبك من الحر و أبو المولدة ما يشغل مولد لأن زعلان وية مرته فأنت حديقة
اذا مكابل قناة عراقية وتتأمل تسمع خبر بيه خير فانت جدا حديقة
اذا تروح للكلية وتتفرج عالكبلات وانت كاعد وحدك مثل الخبل فانت حديقة
إذا كاضيها كهاوي و تسخت بالسوك و ماكو منك لا دفع و لا نفع فانت حديقة
إذا تخرجت و ذبيت
عشرين فايل بالدوائر للتعيين و تنتظر شوكت يتصلون بيك على رقمك اللي
بالفايل .. و غيرك يتعين بالواسطات رئسا .. فانت جدا جدا حديقة
واذا صارلك ساعة تقرا الخربطة مالتي فانت حيييييييييل حديقة ههههههههههه

عاشت ايدك ابو شهاب
تحياتي